حیدرآباد میں پولیس نے منشیات فروشوں کے خلاف آپریشن کیا  ہے جس میں پولیس نے 2 ملزم کو گرفتار کرلیا ہے۔

تفصیلات کے مطابق پولیس نے منشیات فروشوں کے آپریشن کے دوران  گرفتار ملزم سے1 کلو آئس ہیروئن اور 5 کلو چرس برآمد کرلی ہے۔

 اس ضمن میں پولیس کے ترجمان اویس احمد کا کہنا ہے کہ حیدرآباد کے  حالی روڈ میں منشیات کے اڈے پر چھاپے میں فائرنگ سے ایک منشیات فروش زخمی حالت میں گرفتار ہوا ہے۔

پولیس کے ترجمان اویس احمد نے کہا ہے کہ حیدرآباد کے ملزم ریاض الاسلام عرف مٹھو سے ایک کلو 10گرام آئس اور نائن ایم ایم پستول برآمد کرلیا گیا ہے۔

پولیس کے ترجمان اویس احمد نے کہا ہے کہ ریلوے کالونی کے مقام سے منصف پٹھان کو 5 کلو چرس 20 گرام ہیروئن برآمد کرلی گئی ہے۔

پولیس کے ترجمان اویس احمد نے مزید کہا ہے کہ ملزمان کے خلاف مقدمات درج کرکے مزید تفتیش شروع کردی گئی ہے۔