وزارت ساحلی امور کے مشیر محمود مولوی  نے کہا ہے کہ ایم ایم ڈی جہاز کو تکنیکی لحاظ سے موزوں ہونے کے بعد روانگی کی اجازت دی جائیگی۔

وزارت ساحلی امور کے مشیر محمود مولوی کی میڈیا سے بات چیت کرتے ہوئے کہنا تھا کہ جہاز گہرے سمندر میں آچکا ہے، جہاز کو تحویل میں لیا جائے گا جبکہ جہاز محفوظ پانی میں آچکا ہے ۔

محمود مولوی کا کہنا تھا کہ جہاز کو کراچی کی بندرگاہ پر رکھا جائے گا جبکہ اس سے قبل یہاں پھنسنے والے جہاز کاٹ کر نکالے گئے تھے۔

محمود مولوی کا کہنا تھا کہ یہ پہلا جہاز ہے جس باحفاظت نکالا گیا جبکہ آپریشن کے تمام اخراجات جہاز کا مالک برداشت کرے گا ۔

وزارت ساحلی امور کے مشیر محمود مولوی کا کہنا تھا کہ جہاز کے مالک کو ایم ایم ڈی کو جہاز کی محفوظ حالت کے بارے میں  مطمئن کرنا ہوگا۔