اعلیٰ ثانوی تعلیمی بورڈ کراچی کے تحت انٹرمیڈیٹ کے امتحانات کا سلسلہ جاری ہے۔

تفصیلات کے مطابق آج گیارہویں جماعت کے طلباء کا انگریزی اور اصول تجارت کا پرچہ لیا جائے گا، انگریزی کا پرچہ صبح جبکہ اصول تجارت کا پرچہ دوپہر کی شفٹ میں لیا جائے گا۔

ذرائع کا کہنا ہے کہ صبح کی شفٹ میں 56 ہزار 6 سو 78 طلباء شریک ہونگے اور شام کی شفٹ میں 80 ہزار ایک سو 55 طلباء شریک ہونگے جبکہ امتحانات کے لیے مجموعی طور پر 221 امتحانی مراکز قائم کیے گئے ہیں۔

واضح رہے کہ نقل کی روک تھام کیلئے سندھ حکومت نے امتحانی مراکز کے اطراف دفعہ 144 نافذ کر رکھی ہے۔