سندھ حکومت کے ترجمان اور ایڈمنسٹریٹر کراچی مرتضیٰ وہاب نے کہاہے کہ 6 ستمبر جکا دن اطن عزیز کی تاریخ کا سنہری باب ہے۔

تفصیلات کے مطابق سندھ حکومت کے ترجمان ، ایڈمنسٹریٹر کراچی بیرسٹر مرتضیٰ وہاب نے یوم دفاع  کے موقع پر پیغام   دیتے ہوئے کہا کہ یہ عظیم دن ہمیں پاک افواج کی بہادری اور غیر متزلزل عزم کی یاد دلاتا ہے۔

مرتضیٰ  وہاب  کا کہنا تھا کہ تینوں مسلحہ افواج نے دشمن کی سازشوں کا منہ توڑ جواب دیا، ہم ہماری پاک افواج کے شہداء کو سلام تحسین پیش کرتے ہیں۔

ترجمان سندھ حکومت کا کہنا تھا کہ ہمیں پاک فوج کے شہیدوں کی قربانی پر فخر ہے،پاک فوج نے اپنے سے کئی گنا بڑے دشمن سے ہمت و بہادری سے مقابلہ کیا،پاک فضائیہ کے شاہینوں نے دشمن کے طیاروں کو نیست و نابود کیا۔

سندھ حکومت کے ترجمان اور ایڈمنسٹریٹر کراچی بیرسٹر مرتضی ٰوہاب  کا مزید کہنا تھا کہ پوری قوم کو 1965 کی جنگ کی فتح پر ناز ہے۔