افغانستان کے نائب وزیراعظم ملا عبدالغنی برادر منظر عام پر آ گئے ہیں۔

تفصیلات کے مطابق افغان ٹی وی کو انٹرویو دیتے ہوئے ملا عبدالغنی کا کہنا تھا کہ میں خیریت سے ہوں اور ہمارا اتحاد مضبوط ہے۔

انہوں نے بتایا کہ اندرونی تصادم میں ان کے زخمی ہونے کی اطلاعات غلط ہیں۔

ملاعبدالغنی برادر نے کسی بھی قسم کے جگھڑے یا تلخ کلامی کی تردید بھی کردی ہے۔

واضح رہے کہ عبدالغنی برادر نے انٹرویو میں اس بات کی تردید بھی کی کہ وہ طالبان کے ایک حریف دھڑے کے ساتھ جھڑپ میں زخمی ہوئے تھے۔

یاد رہے کہ طالبان نے 15 اگست کو افغان دارالحکومت کابل کا کنٹرول سنبھالا تھا اور گزشتہ ہفتے ملا حسن اخوند کی قیادت میں اپنی نگران حکومت اور کابینہ کا اعلان کیا تھا۔

کابینہ میں تقریبا تمام نگران وزراء طالبان رہنما یا گروپ کے قریبی ساتھی ہیں، لیکن طالبان کا کہنا ہے کہ یہ ایک عبوری حکومت ہے اور اس کا مقصد صرف نظام کو چلانا ہے، طالبان نے یہ نہیں بتایا کہ نگران حکومت کب تک اقتدار میں رہے گی۔

واضح رہے کہ دنیا کے کسی بھی ملک نے اب تک طالبان کی نگران حکومت کو تسلیم نہیں کیا ہے۔