اعلیٰ ثانوی تعلیمی بورڈ کراچی کے تحت انٹرمیڈیٹ کے امتحانات کا سلسلہ جاری ہے۔

تفصیلات کے مطابق آج بارہویں جماعت کے طلباء کا نباتیات، معاشیات اور گھریلو انتظامات سے متعلق ضمنی امتحان  لیا جا رہا ہے جبکہ  گیارہویں جماعت کے طلباء کا معاشیات، اسلامک اسٹڈیز، تاریخ عام، نفسیات اور انگریزی کا سالانہ امتحان لیا جائے گا۔

ذرائع کا کہنا ہے کہ بارہویں جماعت کے طلباء کا امتحان صبح میں لیا جارہا ہے جبکہ گیارہویں جماعت کے طلباء کا امتحان دوپہر کی شفٹ میں لیا جائیگا۔

صبح کی شفٹ میں امتحان دینے والے طلباء کی مجموعی تعداد 56 ہزار 6 سو 78 ہے جبکہ شام کی شفٹ میں امتحان دینے والے طلباء کی مجموعی تعداد 80 ہزار ایک سو 55  ہے۔

واضح رہے کہ نقل کی روک تھام کیلئے سندھ حکومت کی جانب سے   امتحانی مراکز کے اطراف دفعہ 144 نافذ کر رکھی ہے۔