شاہراہ قراقرم رحیم آباد میں ہونے والے مسلسل ٹریفک حادثات کے باعث مظاہرین کی جانب سے دھرنا دیا جارہا ہے۔

 تفصیلات کے مطابق گزشتہ روز بھی 2 موٹرسائیکل حادثے ہوئے جس میں  2 نوجوان جاں بحق ہوئے تھے۔

 مظاہرین کا کہنا ہے کہ  شاہراہ بنائی گئی ہے مگر سیفٹی کا کوئی نظام نہیں جس کی وجہ سے روز حادثات رونما ہورہے ہیں۔

  مظاہرین کا مزید کہنا تھا کہ مذید ہم میں لاشیں اٹھانے کی ہمت نہیں ہے ، متعلقہ محکمے اور ذمے داران کو شاہراہ کے خطرناک مقامات سے کئی مرتبہ آگاہ کیا ہے مگر ذمے داران کی طرف سے کوئی  توجہ نہیں دی جارہی ہے۔

مظاہرین نے یہ بھی کہا ہے کہ جب تک مطالبات پر عمل درآمد نہیں  ہوتا دھرنا جاری رہے گا۔

واضح رہے کہ شاہراہ قراقرم پر دھرنے کی وجہ سے دونوں اطراف میں سینکڑوں مسافر اور سیاح پھنس گئے ہیں۔