گورنر سندھ عمران اسماعیل کا کہنا ہے کہ افواج پاکستان نے ملک کی سالمیت اور قیام امن کیلئے لازوال قربانیاں دی ہیں۔

تفصیلات کے مطابق گورنر سندھ عمران اسماعیل نے کوئٹہ کے علاقے مستونگ روڈ پر سوہنا خان ایف سی چیک پوسٹ پر دہشت گرد حملے میں متعدد سیکیورٹی اہلکار شہید اور زخمی ہونے پر افسوس کا اظہار کیا ہے۔

گورنر سندھ عمران اسماعیل نے شہداء کے درجات کی بلندی اور زخمیوں کی جلد صحتیابی کے لئے دعا کی ہے۔

عمران اسماعیل نے کہا کہ ملک دشمن عناصر اپنے ناپاک عزائم میں کامیاب نہیں ہوں گے۔

گورنر سندھ عمران اسماعیل نے مزید کہا کہ حکومت اور افواج پاکستان عوام کی مدد اور تعاون سے دہشت گرد عناصر کو کیفر کردار تک پہنچا کر رہے گی۔