سری لنکا کرکٹ ٹیم کے فاسٹ باؤلر اور سابق کپتان لاستھ  ملنگا نےتمام طرز کی  کرکٹ سے ریٹائرمنٹ کا اعلان کر دیا ہے۔

تفصیلات کے  مطابق  سری لنکن  فاسٹ باؤلر اور ٹی ٹوئنٹی اسپیشلسٹ لاستھ ملنگا نے سماجی رابطے کی ویبسائٹ ٹویٹر پر اپنے جاری  بیان میں کہا کہ میں ہر طرح کی کرکٹ سے ریٹائرمنٹ کا اعلان کرتا ہوں۔

Hanging up my #T20 shoes and #retiring from all forms of cricket! Thankful to all those who supported me in my journey, and looking forward to sharing my experience with young cricketers in the years to come.https://www.bolnews.com/urdu/latest/2021/09/948043/amp/ #LasithMalinga #Ninety9

— Lasith Malinga (@ninety9sl) September 14, 2021

لاستھ ملنگا کا کہنا تھا کہ میں ان تمام لوگوں کا شکریہ ادا کرتا ہوں جنہوں نے میرے سفر میں میرا ساتھ دیا ۔

سری لنکن فاسٹ باؤلر  لاستھ ملنگا کا مزید کہنا تھا کہ میں آنے والے برسوں میں نوجوان کرکٹرز سے اپنا تجربہ شیئر کرنے کے لئے منتظر ہوں۔

سری لنکن فاسٹ باؤلر لاستھ ملنگا نے اپنے ٹیسٹ کیرئیر میں 30 میچز میں 101 وکٹز حاصل کیں،ون ڈے انٹرنیشنل کیرئیر میں 226 میچز میں 338 وکٹز حاصل کی ہیں جبکہ ٹی ٹوئنٹی کیرئیر میں 84 میچز میں 107 وکٹز اپنے نام کی ہیں ۔

لاستھ ملنگا کی ٹیسٹ کیرئیر میں بیسٹ باؤلنگ فگر 210 رنز کے عوض 9 وکٹز، ون ڈے کیرئیر میں 38 رنز کے عوض 6 وکٹزجبکہ ٹی ٹوئنٹی کیرئیر میں 6 رنز کے عوض 5 وکٹز ہے۔

واضح رہے کہ لاستھ ملنگا لیگ میچز میں بھی بہترین کاکردگی دکھا چکے ہیں۔

اس سے قبل ساؤتھ افریقن فاسٹ باؤلر ڈیل اسٹین بھی ریٹائرمنٹ کا اعلان کر چکے ہیں۔