قومی اسمبلی کا اجلاس کل 3 بجے پارلیمنٹ ہاؤس میں ہوگا۔

تفصیلات کے مطابق قومی اسمبلی کے سیکریٹریٹ نے اجلاس کا 14 نکاتی ایجنڈا جاری کردیا ہے۔

ذرائع کا کہنا ہے کہ امیگریشن ترمیمی بل 2021 اور مسلم فیملی لاز 2021 کو پارلیمنٹ کے مشترکہ اجلاس میں بھیجنے کی تحریک پیش کی جائے گی۔

ذرائع کے مطابق نیشنل کالج آف آرٹس انسٹیٹیوٹ بل 2021 کو پارلیمنٹ کے مشترکہ اجلاس میں بھیجنے کی تحریک پیش کی جائے گی، پرائیویٹائزیشن کمیشن ترمیمی بل 2021 کو پارلیمنٹ کے مشترکہ اجلاس میں بھیجنے کی بھی تحریک پیش کی جائے گی۔

ذرائع کا کہنا ہے کہ پبلک پرائیویٹ پارٹنرشپ اتھارٹی ترمیمی آرڈیننس 2021 ایوان میں پیش کیا جائے گا، ٹیکس قوانین تیسری ترمیم آرڈیننس 2021 ایوان میں پیش کیا جائے گا، ملک میں بڑھتے ہوئے ڈینگی کیسز پر توجہ دلاؤ پیش کیا جائے گا۔