این سی او سی کی ہدایت پر محمکہ داخلہ سندھ نے کوویڈ ایس او پیز کے حوالے سے نیا حکم نامہ جاری کردیا ہے۔

محمکہ داخلہ سندھ کی جانب سے جاری کردہ حکم نامے کے مطابق انڈور اجتماعات میں 300جبکہ آﺅٹ ڈور میں1000 افراد شرکت کر سکیں گے، تمام لوگوں کا ویکسینیٹڈ ہونا لازمی ہوگا۔

حکم نامے میں لکھا ہے کہ شاپنگ مال میں انڈرو ڈائننگ کی اجازت پچاس فیصد افرادی قوت کے ساتھ 12بجے تک ہوگی جبکہ ٹیک اوے اور ڈیلوری 24گھنٹے کھلی رہے گی۔

انڈور  شادی  ہال میں 300 جبکہ آﺅٹ ڈور 500 افراد شرکت کرسکیں گے ، تمام افراد کا ویکسینیٹڈ ہونا لازمی ہے۔

کاروباری مراکز ہفتے میں ساتھ دن 10بجے تک اور سینیما رات ایک بجے تک کھلے رہیں گے۔

محمکہ داخلہ سندھ کی جانب سے جاری کردہ حکم نامے میں عوامی مقامات پر ماسک پہننا لازمی قرار دے دیا گیا جبکہ پبلک ٹرانسپورٹ میں بھی 80فیصد مسافر سفر کرسکیں گے،تمام افراد کا ویکسینیٹڈ ہونا لازمی ہوگا۔

واضح رہے کہ نئے حکم نامے کا اطلاق یکم نومبر سے 15نومبر تک ہوگا۔