گورنرپنجاب چوہدری محمد سرور نے کہا ہے کہ پاکستان خطے میں امن کا خواہاں ہے۔

تفصیلات کے مطابق گورنر پنجاب چوہدری محمد سرور نے دورہ یورپ کیا، جہاں گورنر پنجاب چوہدری سرور کی ممبر یورپی پارلیمنٹ ڈیفنس اینڈ سیکورٹی فار فارن افیئر یاوئیر نارٹ کے ساتھ ملاقات ہوئی، ملاقات میں جی ایس پی پلس پاکستان میں خواتین کے حقوق اور اقلتیوں کے حقوق پر تفصیلی بات چیت ہوئی۔

گورنر پنجاب چوہدری محمد سرور کا کہنا تھا کہ پاکستان نے ہر سطع پر یورپی یونین کا ساتھ دیا، پاکستان خطے میں امن کا خواہاں ہے۔

گورنر پنجاب نے کہا کہ ملاقات کا مقصد یورپی حکام کو پاکستانی موقف سے آگاہ کرنا ہے، پاکستان کرونا وائرس کے بعد ایس او پیز کے ساتھ اپنی تجارت کو دنیا بھر میں جاری رکھے ہوئے ہیں۔

ملاقات میں پاکستانی سفیر ظہیر اسلم جنجوعہ، ای یو پاک فرینڈ شپ فیڈریشن یورپ کے چیئرمین پرویز اقبال لوہسر اور ڈیوڈ مارٹن بھی  شریک تھے۔

یاد رہے کہ ممبر یورپی پارلیمنٹ ڈیفنس اینڈ سیکورٹی فار فارن افیئر یاوئیر نارٹ  ماضی میں پاکستان کا دورہ کرچکے ہیں۔