یورپی یونین نے افغانستان اور پڑوسی ممالک کیلئے ایک ارب یورو کے پیکج کا اعلان کیا ہے۔

تفصیلات کے مطابق یورپی کمیشن کی سربراہ اروسولاوان ڈیرلیین نے اعلان کیا ہے کہ یورپی یونین افغان امدادی پیکج کیلئے مزید 7 سو ملین یورو جاری کرے گا جبکہ یورپی امداد افغانستان میں انسانی، سماجی ومعاشی ضروریات پرخرچ ہوگی۔

سربراہ یورپی کمیشن کا کہنا ہے کہ افغانستان کو انسانی، سماجی و معاشی تباہی سے بچانے کیلئے ہرممکن کوشش کرنا ہوگی۔

اروسولاوان ڈیرلیین نے کہا ہے کہ یورپی امداد کا کچھ حصہ افغان شہریوں کو پناہ دینے والے پڑوسی ممالک کو دیا جائے گا۔

یورپی کمیشن کی سربراہ اروسولاوان ڈیرلیین نے مزید کہا ہے کہ طویل المیعاد امداد کیلئے طالبان کو یورپی یونین کی پانچ شرائط کو پورا کرنا ہوگا۔