پاکستان بھر میں کاروباری ہفتے کے چوتھے روز سونے کی قیمت میں کمی ریکارڈ کی گئی ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 3550 روپے کمی کے بعد 1 لاکھ 20 ہزار 650 روپے ہوگئی ہے جبکہ 10 گرام سونے کی قیمت 3 ہزار 43 روپے کمی کے بعد 1 لاکھ 3 ہزار 438 روپے ہوگئی ہے ۔

قیمتوں میں کمی کے نتیجے میں کراچی، حیدرآباد، لاہور، اسلام آباد اور پشاور کی صرافہ مارکیٹوں میں سونے کی فی تولہ قیمت 3550 روپے کمی کے بعد 1 لاکھ 20 ہزار 650 روپے ہوگئی ہے جبکہ 10 گرام سونے کی قیمت 3 ہزار 43 روپے کمی کے بعد 1 لاکھ 3 ہزار 438 روپے ہوگئی ہے۔

ایسوسی ایشن کے مطابق عالمی صرافہ بازار میں سونا 13 ڈالرز اضافے سے 1802 فی اونس کی سطح پر آگیا ہے۔

دوسری جانب انٹر بینک میں ڈالر کی قیمت میں کاروباری ہفتے کے چوتھے روز کمی ریکارڈ کی گئی ہے۔

اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں 52 پیسے کی کمی ریکارڈ کی گئی ہے۔

Interbank closing #ExchangeRate for today:https://www.bolnews.com/urdu/latest/2021/10/792452/amp/ pic.twitter.com/sY9Y1ypQHM

— SBP (@StateBank_Pak) October 28, 2021

فاریکس ڈیلرز کے مطابق انٹربینک میں ڈالر 172.78 سے کم ہو کر 172.26 روپے  پر بند ہوا ہے۔