بالی ووڈ کے بے تاج بادشاہ شاہ رخ خان نے دیوالی کے اشتہار کےلئے پاکستانی ڈیزائنر کے جوڑے کا انتخاب کرکے پاکستانی مداحوں کو خوش کر دیا ہے۔

تفصیلات کے مطابق پاکستانی ڈیزائنرفراز منّان نے سماجی رابطے کی ویب سائٹ انسٹا گرام پر بالی ووڈ کنگ شاہ رخ خان کی اپنا ڈیزائن کیا ہواجوڑا پہنے تصاویر شیئر کرکے اپنی خوشی کا اظہار بھی کیا ہے۔

واضح رہے کہ پاکستانی ڈیزائنر فراز منّان سرحد پار بالی ووڈ اداکاروں کے لیے کوئی انجان  نام نہیں ہیں ، اس سے قبل کرینہ کپورخان سمیت کئی بڑے نامور اداکار بھی ان کے ڈیزائن کیے ہوئے کپڑے  پہن چکے ہیں۔

سوشل میڈیا رپورٹس کے مطابق اس سے پہلے بالی ووڈ اسٹار شاہ رخ خان کوکسی بھی پاکستانی ڈیزائنر کا جوڑا پہنے نہیں دیکھا گیا۔

دوسری جانب پاکستان کے معروف سوشل میڈیا اسٹار وقار ذکا نے بالی ووڈ اداکار شاہ رخ خان کو پاکستان منتقل ہونے کا مشورہ دے دیا۔

ذرائع کے مطابق وقار ذکا کی جانب سے گزشتہ دنوں سماجی رابطے کی ویب سائٹ ٹوئٹر پر ایک پوسٹ شئیر کی، جس میں انہوں نے شاہ رخ خان کو ٹیگ کرتے ہوئے کہاکہ سر آپ بھارت چھوڑ کر اہل خانہ کے ہمراہ پاکستان آجائیں۔

Sir @iamsrk leave India and shift to Pakistan along with ur family – this is bullshit what @narendramodi Govt is doing with ur family , I stand with SKR

— Waqar Zaka (@ZakaWaqar) October 22, 2021

وقار ذکا نے ٹوئٹ میں بھارتی وزیر اعظم نریندر مودی کو بھی مینشن کیا اور شاہ رخ خان کو یاد دلایا کہ مودی کی حکومت ان کے خاندان کے ساتھ ناانصافی کر رہی ہے۔

انہوں نے ٹوئٹ میں شاہ رخ خان کے خاندان کے ساتھ مودی حکومت کی ناانصافی کی وضاحت نہیں کی۔

واضح رہے کہ اداکار شاہ رخ خان کا بیٹا آریان خان منشیات استعمال کرنے اور رکھنے کے الزام میں تقریباً ایک ماہ سے گرفتار ہے۔