پاکستان اسٹاک ایکسچینج میں کاروباری ہفتے کے آخری روز انڈیکس میں منفی رجحان ریکارڈ کیا گیا ہے۔

تفصیلات کے مطابق پاکستان اسٹاک ایکسچینج (پی ایس ایکس) میں کاروباری ہفتے کے آخری روز انڈیکس میں شدید مندی رہی تاہم مندی کے باعث ہنڈر ڈانڈیکس46 ہزار کی حدسے نیچے چلا گیا۔ مارکیٹ 599 پوائنٹس کی کمی سے 45ہزار749پر بند ہوا۔

دن بھر مجموعی طورپر 369 کمپنیوں کے شیئرز میں کاروبار ہوا جس میں 252 کمپنیوں کے شیئرزکی قیمتوں میں کمی ہوئی جبکہ 99 کے شیئرز کی قیمتوں میں اضافہ ہوا ہے۔

آج مندی کے باعث مارکیٹ میں 1عشاریہ29 فیصد کی کمی ریکارڈ کی گئی۔

دوسری جانب انٹر بینک میں ڈالر کی قدر میں کاروباری ہفتے کے   آخری روز اضافہ ریکارڈ کیا گیا ہے۔

Interbank closing #ExchangeRate for today:https://t.co/GvctANz3jH pic.twitter.com/K953ntLpQH

— SBP (@StateBank_Pak) November 12, 2021

 اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں  ایک روپے 54 پیسے کا اضافہ ہوا ہے۔

فاریکس ڈیلرز کے مطابق انٹربینک میں ڈالر 174.19 سے بڑھ  کر  175.73 روپے پر بند ہوا ہے۔