پیپلز پارٹی وسطی پنجاب کے صدر راجہ پرویز اشرف نے کہا ہے کہ مسیحی برادری نے پاکستان کی ترقی و خوشحالی میں اہم کردار ادا کیا ہے۔

تفصیلات کے مطابق راجہ پرویز اشرف اور سینٹر پلوشہ خان نے ایف جی گراؤنڈ کی دعائیہ تقریب میں شرکت کی، تقریب میں علی بدر، ڈاکٹر لیاقت قیصر اور پاسٹر مورس بشیر بھی موجود تھے۔

اس موقع پر پیپلز پارٹی وسطی پنجاب کے صدر راجہ پرویز اشرف کا کہنا تھا کہ مسیحی برادری نے پاکستان کی ترقی و خوشحالی میں اہم کردار ادا کیا ہے، مینارٹیز کیلئے ہر میدان میں کام کرنے کا اعزاز پیپلز پارٹی کو حاصل ہے۔

ان کا کہنا تھا کہ مجھے یقین ہے کہ آپ 5 دسمبر کو پیپلز پارٹی کو یاد رکھیں گے۔

یاد رہے کہ ڈاکٹر لیاقت قیصر نے تقریب کے آخر میں دعا کروائی۔