وزیر اعظم عمران خان کی معاون خصوصی ڈاکٹر ثانیہ نشتر نے کہا ہے کہ غربت کا خاتمہ حکومت پاکستان کی ترجیحات میں شامل ہے۔

چینی سفیر نونگ رونگ نے سینیٹر ڈاکٹر ثانیہ نشتر سے ملاقات کی ہے، ملاقات کا مقصد تخفیف غربت کیلیئے اشتراک کو بڑھانا تھا، پاکستان اور چین تخفیف غربت کیلیئے مفاہمتی یاداشت پر دستخط کرنے جارہے ہیں۔

ملاقات میں مفاہمتی یاداشت پر عملدر آمد پر گفتگو ہوئی، یاداشت کو وفاقی کابینہ نے مورخہ 27 اکتوبر2021 کو منظور کر لیا ہے۔

اس موقع پر وزیر اعظم کی معاون خصوصی ڈاکٹر ثانیہ نشتر کا کہنا تھا کہ غربت کا خاتمہ حکومت پاکستان کی ترجیحات میں شامل ہے، پاکستان تخفیف غربت کے کامیاب چینی تجربات سے استفادہ حاصل کرے گا۔

یاد رہے کہ چینی افسران، سیکرٹری سماجی تحفظ ڈویژن، وزارت خارجہ سے ڈائریکٹر سی پیک بھی اس موقع پر شریک تھے۔