پاکستان اسٹیٹ آئل (پی ایس او) کے ترجمان نے کہا ہے کہ پی ایس او کا عملہ عوام کی خدمت کے لیے مسلسل سرگرم عمل ہے۔

تفصیلات کے مطابق اپنے جاری کردہ ایک بیان میں ترجمان پی ایس او کا کہنا تھا کہ ملک بھر میں پی ایس او کے 60 سے 70 فیصد پیٹرول پمپ معمول کے مطابق کام کر رہے ہیں۔

ان کا کہنا تھا کہ پی ایس او کو گزشتہ 5 گھنٹوں میں ڈیلرز کی جانب سے 6,500 میٹرک ٹن پیٹرول اور 6,000 میٹرک ٹن ڈیزل کے آرڈرز موصول ہوچکے ہیں۔

   پاکستان اسٹیٹ آئل (پی ایس او) کے ترجمان نے مزید کہا کہ شہریوں کو فیول کی بلا تعطل فراہمی جاری ہے، پی ایس او کا عملہ عوام کی خدمت کے لیے مسلسل سرگرم عمل ہے۔