خرم شیر زمان کا کہنا ہے کہ مریم صفدر کی لندن میں تو کیا پاکستان میں بھی کوئی عزت نہیں ہے۔

تحریک انصاف کراچی کے صدر اور رکن صوبائی خرم شیر زمان نے اپنے بیان میں کہا ہے کہ مریم کے اعتراف سے ان کے میڈیا کی آزادی کا بیانیہ عیاں ہوگیا ہے۔

انہوں نے کہا کہ سزا یافتہ سرٹیفائیڈ جھوٹے ملک کے منصفوں پر الزام لگارہے ہیں، مریم میڈیا اداروں کو بھی اپنا غلام سمجھتی ہیں۔

خرم شیر زمان کا کہنا ہے کہ محترمہ چاہتی ہیں ان سے سوالات بھی ان کی مرضی سے ہوں، مریم کے بیانیے کے بعد شریف خاندان کہیں منہ دکھانے کے قابل نہیں رہا۔

انہوں نے مزید کہا کہ لیگی ترجمان مریم اورنگرزیب پر ترس آتا ہے، ترجمان جھوٹے خاندان کا دفاع کرتے کرتے تھک چکی ہیں۔