وزیراعظم عمران خان نے کہا ہے کہ ہماری توجہ ملک میں دیرپا معاشی استحکام پر ہے۔

تفصیلات کے مطابق عقیل کریم ڈھیڈی کی وزیراعظم عمران خان سے ملاقات ہوئی جس میں ملک کی مجموعی معاشی صورتحال پر تبادلہ خیال کیا گیا۔

ملاقات میں وزیراعظم عمران خان نے بڑے پیمانے پر مینوفیکچرنگ سیکٹر میں ترقی کی اہمیت پر زور دیا۔

 وزیراعظم عمران خان نے کہا کہ ہماری توجہ ملک میں دیرپا معاشی استحکام پر ہے، کورونا کے باوجود حکومت درمیانی سے طویل مدتی اقتصادی اصلاحات کرنے میں کامیاب رہی، نتیجے میں ہمارا معاشی پروفائل مستحکم ہے ۔

 اس موقع پر عقیل کریم ڈھیڈی نے ملک میں معاشی بحالی کے لیے حکومتی اقدامات کو سراہا۔

ملاقات میں مشیر خزانہ شوکت فیاض ترین بھی موجود تھے۔

دوسری جانب وزیراعظم عمران خان  سے وزیراعلیٰ پنجاب عثمان بزدار نے بھی ملاقات کی جس میں صوبے میں امن وامان کی صورتحال پر گفتگو ہوئی ۔

اس موقع پر وزیراعلیٰ پنجاب عثمان بزدار نے مذہبی جماعت کے احتجاج  کے بعد کی صورتحال کے حوالے سے عمران خان کو آگاہ کیا۔

ملاقات میں وزیراعظم کا کہنا تھا کہ صوبے میں امن وامان پر خصوصی نظر رکھی جائے، ہم امن وامان کی صورتحال پر کوئی سمجھوتہ نہیں کر سکتے۔