وزیر اعظم آج اکیڈمی ادبیات پاکستان کا دورہ کریں گے۔

تفصیلات کے مطابق وزیر اعظم عمران خان ایوان اعزاز کا افتتاح کریں گے اور ادیبوں اور اسکالز سے گفتگو بھی کریں گے۔

اس سے قبل وزیر اعظم عمران خان سے مشیر خزانہ شوکت ترین اور مشیر تجارت عبدالرزاق داؤد نے ملاقات کی تھی جس میں مشیر خزانہ نے وزیر اعظم کو مجموعی معاشی صورتحال کے بارے میں آگاہ کیا تھا۔

ملاقات میں مشیر تجارت نے وزیر اعظم کو اپنے حالیہ ترکمانستان دورے کے بارے میں آگاہ کیا اور متوقع ایران دورے کے بارے میں  بھی گفتگو کی۔

عمران خان نے خطے کے ممالک کے ساتھ تجارتی روابط مستحکم کرنے پر زور دیا اور کہا کہ اس سے برامدات بڑھانے میں مدد ملے گی۔

وزیر اعظم عمران خان نے کہا تھا کہ حکومت ایز آف ڈونگ بزنس پالیسی کے تحت غیر ملکی سرمایہ کاروں کو ہر ممکن سہولیات فراہم کر رہی ہے۔