وزیر اعظم عمران خان کی زیرِ صدارت امن و امان کے بارے میں اہم اجلاس ہوا جس میں امن و امان کی صورتحال پر بریفنگ دی گئی۔

اجلاس میں بارڈر مینجمنٹ، پاکستان میں سیکیورٹی اداروں کی جانب سے اٹھائے گئے اقدامات اور فینسنگ پر بھی بریفنگ دی گئی۔

وفاقی وزیر داخلہ شیخ رشید احمد، وزیر خارجہ مخدوم شاہ محمود قریشی نے  اجلاس میں شرکت کی، اجلاس میں وزیر دفاع پرویز خٹک وزیر پلاننگ اسد عمر سمیت متعلقہ حکام بھی شریک ہوئے۔

ذرائع کے مطابق اجلاس میں خفیہ اداروں اور سیکیورٹی ایجنسیز کے اعلیٰ  حکام بھی شریک ہوئے، افغانستان سے بارڈر کے راستے  پاکستان آمدورفت اور سیکیورٹی امور کے بارے میں آگاہ کیا گیا۔

وزیر اعظم عمران خان نے امن و امان کے قیام کے لئے ضروری ہدایات بھی دیں۔