پاکستان اسٹاک ایکسچینج میں کاروباری ہفتے کے دوسرے روز انڈیکس میں مثبت رجحان ریکارڈ کیا گیا ہے۔

تفصیلات کے مطابق پاکستان اسٹاک ایکسچینج میں کاروباری ہفتے کے دوسرے روز کاروبار کے اختتام پر 100 انڈیکس میں 370 پوائنٹس کا اضافہ ہوا۔

شیئرز بازار کا بینچ مارک 100 انڈیکس 370 پوائنٹس اضافے سے 43 ہزار 246 پوائنٹس پر بند ہوا جبکہ کاروباری دن میں 100 انڈیکس 555 پوائنٹس کے احاطے میں رہا۔

حصص بازار میں آج 21 کروڑ شیئرز کا کاروبار 6 ارب 77 کروڑ روپے میں طے ہوا جبکہ مارکیٹ کیپٹلائزیشن 52 ارب روپے بڑھی ہے۔

کاروبار کی کے اختتام پر کیپٹلائزیشن 7 ہزار 419 ارب روپے ہے۔

دوسری جانب انٹر بینک میں ڈالر کی قیمت میں کاروباری ہفتے کے دوسرے روز کمی ریکارڈ کی گئی ہے۔

اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں 1 پیسے کمی واقع ہوئی ہے۔

Interbank closing #ExchangeRate for today:https://t.co/bVGuBalilp pic.twitter.com/x50GYKMzvC

— SBP (@StateBank_Pak) December 14, 2021

رواں کاروباری ہفتے کے دوسرے روز انٹر بینک میں ڈالر 01 پیسے کی معمولی کمی سے 177 روپے 88 پیسے پر بند ہوا ہے۔