کورونا اور اس کی قسموں سے محفوظ رہنے کے لئے ویکسین لگوانا انتہائی ضروری ہے، تحقیق میں یہ بات سامنے آئی ہے کہ ویکسین لگوانے والے افراد میں موت کی شرح انتہائی کم ہے۔

ماہرین کے مطابق کورونا سے بچنے کا واحد راستہ ویکسین لگوانا ہے، ایک نئی تحقیق میں یہ بات سامانے آئی ہے کہ ویکسین یافتہ افراد میں موت کی شرح نہایت کم پائی جاتی ہے،۔

یہ تحقیق بیماریوں کے کنٹرول اور روک تھام کے مرکز سی ڈی سی نے جاری کی ہے ریسرچ کے مطابق ویکسین عالمی وبا کو کنٹرول کرنے میں انتہائی موثر ثابت ہوئی ہے۔

 امریکی ایجنسی کے مطابق ویکسین لگوانے والے افراد میں کوویڈ 19 سے شدید بیماری اور موت کی شرح انتہائی کم ریکارڈ کی گئی ہے۔

تحقیق میں بتایا گیا ہے کہ امریکہ بھر میں بارہ لاکھ سے زائد ویکسین یافتہ افراد میں سے 185 افراد میں کورونا کی شدت دکھائی دی جبکہ 36 جان سے گئے۔

جبکہ مزید ڈیٹا سے اندازہ لگایا گیا کہ ویکسین شدہ لوگوں کا کورونا سے اسپتال میں داخل ہونے کا امکان 14 گنا کم ہوتا ہے۔

ماہرین کے مطابق کورونا کی بوسٹر شاٹ دیگر دو شاٹس کے مقابلے میں زیادہ تحفظ فراہم کرسکتی ہے، ماہرین کا کہنا ہے کہ اسپتالوں ویکسین نہ لگوانے والوں کی تعداد بڑھ رہی ہے جبکہ ویکسین شدہ افراد کی اسپتالوں میں داخل ہونے کی تعداد بہت کم ہے۔

واضح رہے کہ خطرناک عالمی وبا قرار دیے جانے والے کورونا وائرس کی نئی قسم اومیکرون کے خلاف تیار کردہ خصوصی ویکسین کی آزمائش رواں ماہ کے اختتام تک شروع کردی جائے گی جس کے مثبت نتائج آنے کی توقع کی جا رہی ہے۔