غیر ویکسین شدہ افراد عوامی مقامات پر نہیں جا سکیں گے، فرانس کی پارلیمنٹ میں نیا قانون منظور۔

تفصیلات کے مطابق فرانس کی پارلیمنٹ نے کورونا کی روک تھام کیلئے سخت اقدامات کی منظوری دے دی ہے، فرانس کی پارلیمنٹ میں حال ہی میں ہونے والے اجلاس میں ویکسین نہ لگوانے والے افراد کو عوامی مقامات پر جانے کی پابندی کا قانون منظور کیا گیا ہے۔

پارلیمنٹ میں ہونے والی رائے شماری میں قانون کے حق میں 215 اور مخالفت میں 58 ووٹ آئے، پابندی ریستوران، قہوہ خانے، سینیما ہاوس اور ٹرین میں بِنا ویکسین لگوائے جانے والے افراد کے لئے لگائی گئی ہے۔

فرانسیسی اپوزیشن نے قانون کی بعض شقوں پراعتراض کرتے ہوئے کہا کہ اس قانون کی بعض شقیں نہایت سخت ہیں۔

واضح رہے کہ قانون کے تحت لوگوں کو عوامی مقامات میں داخل ہونے کے لیے ویکسین سرٹفکیٹ دکھانا لازمی ہو گا۔