پاکستان اسٹاک ایکسچینج میں کاروباری ہفتے کے دوسرے روز انڈیکس میں مثبت رجحان ریکارڈ کیا گیا ہے۔
تفصیلات کے مطابق پاکستان اسٹاک ایکسچینج میں کاروباری ہفتے کے دوسرے روز انڈیکس میں زبردست تیزی رہی،505 پوائنٹس کے اضافے کے ہنڈریڈ انڈیکس 44 ہزار کی نفسیاتی حد عبور کرگیا۔
کاروبار کے اختتام پر مارکیٹ 505 پوائنٹس کے اضافے سے 44 ہزار 438 پر بند ہوئی۔
کاروباری دن میں 100 انڈیکس کی بلند ترین سطح 44 ہزار 477 رہی جبکہ حصص بازار میں آج 26 کروڑ شیئرز کے سودے ہوئے جن کی مالیت 7 ارب 17 کروڑ روپے سے زائد رہی۔
مارکیٹ کیپٹلائزیشن 65 ارب روپے بڑھ کر 7 ہزار 482 ارب روپے ہے۔
دوسری جانب کرنسی مارکیٹ میں روپے کی بے قدری اور ڈالر کی قیمت میں تیزی سے اضافے کا سلسلہ جاری ہے، کاروباری ہفتے کے دوسرے روز بھی امریکی ڈالر کی اونچی اڑان جاری ہے۔
اسٹیٹ بینک کے مطابق انٹربینک مارکیٹ میں ڈالر کی قدر میں 15 پیسے کا مزید اضافہ ہوا اور روپے کے مقابلے میں امریکی ڈالر ملک کی تاریخ کی بلند ترین سطح 182 روپے 34 پیسے پر بند ہوا ہے۔
Interbank closing #ExchangeRate for todayhttps://t.co/yUVX5n8lvG pic.twitter.com/P6zxyMPgta
— SBP (@StateBank_Pak) March 29, 2022
فاریکس ڈیلرز کا کہنا ہے کہ انٹربینک میں ڈالر کی قدر میں اضافے کے بعد اوپن مارکیٹ میں ڈالر 182 روپے 50 پیسے پر فروخت ہورہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News