ایف آئی اے انکوائری کے معاملے پر مسلسل غیر حاضری کی وجہ سے حریم شاہ ایک مرتبہ پھر مشکل میں پڑ گئی۔

رپورٹ کے مطابق سندھ ہائی کورٹ میں حریم شاہ کے خلاف ایف آئی اے انکوائری کے معاملے پر مسلسل غیر حاضری معروف ٹک ٹاکر حریم کو مہنگی پڑ گئی۔

تفصیلات کے مطابق عدالت نے ایف آئی اے کارروائی کے خلاف حریم شاہ کی درخواست مسترد کر دی ہے۔

عدالت نے برہمی کا اظہار کرتے ہوئے کہا کہ عدالتی حکم کے باوجود درخواست گزار کیوں پیش نہیں ہوئیں؟ حریم شاہ کے وکیل نے کہا کہ حریم شاہ عمرہ ادائیگی کیلئے گئیں ہیں۔

عدالت نے کہا کہ عدالتی حکم کو اتنا غیر ضروری سمجھتے ہیں تو ابھی درخواست نمٹا دیتے ہیں، حریم شاہ واپس آئیں تو نئی درخواست دائر کرسکتی ہیں۔

جس کے بعد عدالت نے ایف آئی اے کارروائی کے خلاف حریم شاہ کی درخواست مسترد کر دی۔

حریم شاہ کے وکیل نے کہا کہ حریم شاہ کے بینک اکاﺅنٹس اور سوشل میڈیا اکاﺅنٹس منجمد کر دیئے گئے، ایف آئی اے نے حریم شاہ کی غیر موجودگی میں کارروائی کی۔

جبکہ اسسٹنٹ اٹارنی جنرل نے کہا کہ ایف آئی اے نے متعدد نوٹس بھیجے مگر حریم شاہ پیش نہیں ہوئیں۔