پاکستان تحریک انصاف کی جانب سے حکومت خلاف لانگ مارچ سے نمٹنے کے لئے حکومت نے بھی منصوبہ بندی شروع کردی ہے۔

اس حوالے سے ذرائع کا کہنا ہے کہ حکومت کی جانب سے پی ٹی آئی کی حکومت مخالف تحریک پر جارحانہ انداز اپنانے کا فیصلہ کیا گیا ہے۔

 ذرائع کے مطابق پی ٹی آئی کی طرف سے ملک جام کرنے،دھرنے، افراتفری پھیلانے کا امکان ہے جس کے لئے اہم اداروں نے حکومت کو پی ٹی آئی لانگ مارچ کو نکلنے سے روکنے کی تجویز پیش کی ہے۔

ذرائع کا کہنا ہے کہ اداروں نے پی ٹی آئی کے لانگ مارچ کے حوالے سے مؤقف پیش کیا ہے کہ لانگ مارچ کو سڑکوں پر روکنا آسان  نہیں ہو گا تاہم  لانگ مارچ نکلنے ہی نہیں دیا جائے۔

ذرائع نے بتایا کہ اپوزیشن کے اہم رہنماؤں کی نظر بندی کی تجویز بھی دے دی گئی ہے تاہم اس حوالے سے حتمی فیصلہ وفاقی کابینہ اور اتحادی قائدین کی مشاورت کیا جائے گا۔

خیال رہے کہ پاکستان تحریک انصاف کے چیئرمین اور سابق وزیراعظم عمران خان کی جانب سے حکومت کے خلاف لانگ مارچ کیے جانے کا اعلان کیا جاچکا ہے تاہم اس  کو حتمی شکل نہین دی گئی ہے۔

دوسری جانب پی ٹی آئی کی جانب سے عوامی رابطہ مہم کا سلسلہ جاری ہے جس میں ملک گیر مختلف مقامات پر جلسے کیے جارہے ہیں۔