وزیر صحت عبدالقادر پٹیل نے کہا ہے کہ عمران خان سے کہنا چاہتے ہیں وہ خط دکھا دیں۔
تفصیلات کے مطابق وزیر صحت عبدالقادر پٹیل نے اپنے بیان میں کہا ہے کہ جتھوں کی سیاست تنزلی کا شکار ہوجاتی ہے، عمران خان سے کہنا چاہتے ہیں وہ خط دکھا دیں۔
انہوں نے کہا کہ گزشتہ دنوں پمز میں خاتون کی ہلاکت کا نوٹس لیا تھا، پمزمیں ایک خاتون جاں بحق،2 کی حالت تشویشناک ہے، گزشتہ حکومت نے پمز کو آزاد ادارے کی حیثیت دی۔
عبدالقادر پٹیل نے کہا ہے کہ کوہسار بلاک میں ڈسپنسری وقت کی اہم ضرورت تھی، 3 ہزار افراد کو ابتدائی طبی امداد کی سہولت دستیاب ہو گی، صحت سہولت کارڈ سے متعلق خبیرپختونخوا حکومت کو خط لکھا تھا۔
وزیر صحت عبدالقادر پٹیل نے کہا ہے کہ جو الزام کے پی حکومت لگا رہی ہے وہ سمری عمران خان منظورکر کے گئے تھے، پی ٹی آئی نے سرکاری اسپتالوں کو آزاد کیا تھا۔
انہوں نے کہا کہ حکومت پمزاسپتال میں ایف ایم ٹی آئی کاقانون واپس کرنےجارہی ہے، پمز حادثے میں کوئی کوتاہی نظر آئی تو کریمنل کارروائی ہو گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News