شکست کے باوجود ٹیم کی فائٹ پر فخر ہے، مینٹور میتھیو ہیڈن
قومی کرکٹ ٹیم کے مینٹور میتھیو ہیڈن نے کہا ہے کہ انہیں فائنل میں شکست کے باجود گرین شرٹس کی فائٹ پر فخر ہے۔
تفصیلات کے مطابق پاکستان کرکٹ ٹیم کے مینٹور میتھیو ہیڈن نے فائنل کے بعد ڈریسنگ روم میں کہا کہ شکست کے باوجود انہیں ٹیم کی اس فائٹ پر فخر ہے جو انہوں نے اتوار کو ایم سی جی میں ٹی ٹوئنٹی ورلڈ کپ کے فائنل میچ میں انگلینڈ کے خلاف لڑی۔
واضح رہے کہ سیم کرن اور بین اسٹوکس کی اعلیٰ کارکردگی نے اتوار کو میلبورن کرکٹ گراؤنڈ (ایم سی جی) میں کھیلے گئے کم اسکور والے فائنل میں پاکستان کو پانچ وکٹوں سے شکست دے کر 2010 کے بعد انگلینڈ نے دوسرا ٹی ٹوئنٹی ورلڈ کپ ٹائٹل اپنے نام کیا۔
قومی کرکٹ ٹیم کے مینٹور میتھیو ہیڈن نے کہا کہ یہ حیرت انگیز ہے کہ ان لڑکوں کو آپ کے باقی لوگوں کی طرح موقع نہیں ملا لیکن ہر کھیل میں انہوں نے کامیابی حاصل کی۔
میتھیو ہیڈن نے ایک ویب سائٹ پر ڈریسنگ روم کی ٹوئٹر اکاؤنٹ سے اپ لوڈ کی گئی اپنی ایک ویڈیو میں کہا کہ ٹیم نے نیٹ میں اپنی پوری کوشش کی، بولنگ، تھرونگ اور بیٹنگ سب شعبوں میں بہترین محنت کی اور میرے خیال میں یہ تعریف کے لائق ہے.
Matthew Hayden is proud of the team's effort and performance in the tournament.#T20WorldCup pic.twitter.com/X3cbfEqtPL
— Pakistan Cricket (@TheRealPCB) November 13, 2022
میتھیو ہیڈن نے کہا کہ یہ سوچنا حیرت انگیز ہے کہ ہم اس ٹورنامنٹ میں کس حد پہنچے ہیں، اور میں جانتا ہوں کہ شکست سے تمام کھلاڑیوں کو تکلیف ہو رہی ہے، لیکن مجھے آپ پر واقعی فخر ہے۔
میتھیو ہیڈن نے ٹیم کے کھلاڑیوں کو زبردست فائٹر قرار دیتے ہوئے کہا کہ اپنے اندرونی جذبات کے میرے ساتھ شئیر کرنے پر میں تمام کھلاڑیوں کا شکریہ ادا کرتا ہوں۔
میتھیو ہیڈن نے اپنی ویڈیو میں کہا کہ میں امید کرتا ہوں کہ آپ میں سے ہر ایک اپنے پلئینگ الیون کی کامیابیوں پر فخر کرے گا، میں صرف یہ کہنا چاہتا ہوں کہ آپ کا ڈریسنگ روم شئیر کرنے، اور اس ایونٹ میں اپنا سو فی صد حصہ ڈالنے پر میں آپ کے بے شکر گزار ہوں، یہ میرے لیے اعزاز کی بات ہے کہ میں اس ٹیم کا حصہ ہوں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News