خواجہ آصف کا کہنا ہے کہ آرمی چیف کی تقرری کے حوالے سے ہم پر کوئی دباؤ نہیں۔ ابھی تک کسی نام پر فیصلہ نہیں ہوا۔
وزیراعظم ہاؤس کے باہرروانگی سے قبل میڈیا سے گفتگوکرتے ہوئے وزیر دفاع خواجہ آصف نے کہا ہے کہ آرمی چیف اور چیئرمین جوائنٹ چیفس آف سٹاف کمیٹی بارے مشاورت کا آغازہوگیا ہے۔ پچیس نومبر تک تقرریوں کا عمل مکمل کرلیا جائے گا۔
وزیردفاع کا کہنا ہے کہ ابھی تک سمری وزیراعظم ہاؤس کو موصول نہیں ہوئی۔ تعیناتی کے معاملے پرکوئی ڈیڈ لاک نہیں۔
انھوں نے کہا کہ وزارت دفاع کی طرف سے پانچ سے چھ نام آئیں گے۔ سینئر موسٹ پانچ یا چھ نام تقرری کے لئے آئیں گے۔ نئی تقرریاں پاک آرمی کی قیادت کو اعتماد میں لے کر کی جائیں گی۔
خواجہ آصف نے مذید کہا کہ اتحادیوں سے ہر سطح پر ہر قدم پر تبادلہ خیال ہوتا ہے۔ اس میں کوئی شک نہیں خبربڑی ہے۔ سمری جب آئے گی تو ڈوزئیرآئیں گے۔
وزیراعظم ہاؤس میں اہم اجلاس
دوسری جانب ذرائع کا کہنا ہے کہ پاک فوج کے نئے سربراہ اور چیئرمین جوائنٹ چیفس آف اسٹاف کمیٹی کی تعیناتی کے معاملے پر وزیراعظم شہبازشریف کی زیرصدارت وزیراعظم ہاؤس میں نئے آرمی چیف کی تعیناتی کے حوالے سے اجلاس منعقد ہوا۔
اجلاس میں وزیردفاع خواجہ آصف، وزیر داخلہ رانا ثناء اللہ اور وزیر قانون سردار ایاز صادق شریک تھے۔
ذرائع کا کہنا ہے کہ پاک فوج کے نئے سربراہان کی تعیناتی کے معاملے پر وزیراعظم آفس کو نئے آرمی چیف اور چیئرمین جوائنٹ چیفس آف سٹاف کمیٹی کی تقرریوں کی سمری موصول ہوئی جس کے بعد وزیراعظم نے تعیناتی پر مشاورت شروع کردی۔
ذرائع کے مطابق وزیراعظم اہم تعیناتیوں کی منظوری رواں ہفتے منگل یا بدھ کو دیں گے۔ اہم تعیناتیوں پر تقرری کی سمری پر تمام اسٹیک ہولڈرز میں فیصلہ کن مشاورت ہونے کا امکان ہے۔
پاک فوج کے 5 سے 6 افسران کے پینل پر مشتمل سمری پر وزیراعظم ہوم ورک مکمل کر چکے ہیں۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News