پاکستان سپر لیگ سیزن 8 میں بہترین اسٹرائیک ریٹ کی دوڑ میں محمد حارث سبقت لے گئے۔

تفصیلات کے مطابق پاکستان سپر لیگ سیزن 8 میں بہترین اسٹرائیک ریٹ کی ٹیبل پر محمد حارث سب سے اوپر براجمان ہیں، اس ایونٹ میں ان کا اسٹرائیک ریٹ 186.17 رھا۔

پشاور زلمی کی ٹیم میں شامل محمد حارث نے پی ایس ایل 8 میں مجموعی طور پر 350 رنز بنائے جس میں 18 چھکے اور 34 چوکے شامل تھے۔

پی ایس ایل 8 میں اسٹرائیک ریٹ کی میراتھن ریس میں سکندر رضا دوسرے نمبر پر ہیں ، انہوں نے 179.83 کا اسٹرائیک ریٹ حاصل کی جس میں 11 چھکوں اور 19 چوکوں کی مدد حاصل تھی۔

ملتان سلطانز کی بیٹنگ لائن میں ریڑھ کی ہڈی تسلیم کیے جانے والے ریلی رؤسو نے 453 رنز بنائے لیکن وہ اسٹرائیک ریٹ کی ریس میں 171.59 کے ساتھ تیسرے نمبر پر رہے، انہوں نے 21 چھکے اور 48 چوکے لگائے۔

کراچی کنگز کے کپتان عماد وسیم نے 16 چھکے اور 41 چوکوں کی مدد سے 170.46 کا اسٹرائیک ریٹ حاصل کیا، اور چوتھے نمبر پر رہے۔

جبکہ کولن منرو نے 20 چھکوں اور 23 چوکوں کی مدد سے 169.31 کا اسٹرائیک ریٹ حاصل کر کے پانچویں نمبر رہے۔