چیئرمین تحریک انصاف عمران خان کی جوڈیشل کمپلیکس میں پیشی وفاقی پولیس کو ڈھائی کروڑ روپے میں پڑ چکی ہے۔

اس حوالے سے اسلام آباد پولیس نے نقصان کی ابتدائی رپورٹ بھی تیار کر لی ہے۔

پولیس ذرائع کے مطابق پیشی کے دوران ڈیڑھ کروڑ سے زائد مالیت کی گاڑیاں توڑی گئیں جبکہ سکیورٹی پر معمور پولیس اہلکاروں کھانے کے لئے 8 لاکھ روپے خرچ ہوئے۔

پولیس ذرائع کا کہنا ہے کہ سکیورٹی کے لئے لائے گئے کنٹینر اسلام آباد پولیس کو 18 لاکھ میں پڑےجبکہ فیصل آباد اور چکوال پولیس کی گاڑیوں پر 5 لاکھ سے زائد اخراجات آئے۔

پولیس ذرائع کا مزید کہنا ہے کہ فیول کی مد میں اسلام آباد پولیس نے دس لاکھ روپے خرچ جبکہ مشتعل مظاہرین کو روکنے کے لئے اسلام آباد پولیس نے 7 لاکھ کے شیل استعمال کئے جبکہ ان میں زخمی پولیس اہلکاروں کے اخراجات شامل نہیں ہیں۔