اقوام متحدہ کے سربراہ کا کہنا ہے کہ انہیں غزہ میں بین الاقوامی انسانی قوانین کی واضح خلاف ورزیوں پر گہری تشویش ہے۔

برطانوی خبر رساں ادارے کی خبر کے مطابق انتونیو گوتریس نے نیویارک میں ایک گرما گرم سیشن سے خطاب کرتے ہوئے کہا کہ غزہ میں بین الاقوامی انسانی قوانین کی خلاف ورزی کی جا رہی ہے۔

انتونیو گوتریس نے مزید کہا کہ کسی فریق کا نام لیے بغر کہا کہ شہریوں کا تحفظ سب سے اہم ہے۔

قبل ازیں فلسطینی پناہ گزینوں کی دیکھ بھال کرنے والے اقوام متحدہ کے ادارے (یو این آر ڈبلیو اے) نے کہا تھا کہ اگر مزید ایندھن نہیں پہنچا تو وہ غزہ کی پٹی میں کل رات سے آپریشن ختم کرنے پر مجبور ہوسکتا ہے۔

واضح رہے کہ اسرائیل نے غزہ کا دو ہفتوں سے زائد عرصے سے محاصرہ کر رکھا ہے۔ ہفتے کے آخر میں کچھ رسد اس علاقے میں پہنچ گئی لیکن ایندھن کی فراہمی ابھی تک معطل ہے۔

برطانوی خبر رساں ادارے کے مطابق اسرائیل نے حماس پر ایندھن ذخیرہ کرنے کا الزام عائد کیا ہے۔

اس سے قبل حماس کی جانب سے رہا کیے گئے دو یرغمالیوں میں سے ایک نے پیر کے روز ایک پریس کانفرنس کرتے ہوئے کہا تھا کہ یہ سب کچھ ایک ڈراؤنے خواب سے کم نہیں تھا۔

اسرائیل نے غزہ پر اپنی بھاری بمباری جاری رکھی ہوئی ہے، جس میں اسپتالوں، مساجد اور رہائشی عمارتوں کو نشانہ بنایا گیا ہے۔

حماس کے زیر انتظام وزارت صحت کا کہنا ہے کہ 7 اکتوبر سے اب تک تقریبا 5،800 افراد شہید ہو چکے ہیں۔

حماس کے مسلح افراد کی جانب سے اسرائیل پر حملوں میں 1400 سے زائد افراد ہلاک ہوئے تھے جنہوں نے سرحد کے قریب آبادیوں پر چھاپے مارے اور شہریوں کو نشانہ بنایا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں