عالمی صحافت میں اپنا منفرد مقام رکھنے والے معتبر صحافی سال 2023 کے آخری دن دنیا سے رخصت ہو گئے۔

قطری خبر رساں ادارے کی خبر کےمطابق  فلسطین سے لے کر کمبوڈیا سامراجی حکومتوں کی وجہ سے ہونے والے انسانی مصائب کو بے نقاب کرنے معروف عالمی شہرت یافتہ صحافی جان پلگر دنیا سے رخصت ہو گئے۔

آسٹریلیا میں پیدا ہونے والے معروف تحقیقاتی صحافی جان پلگر جو مغرب کی سامراجی خارجہ پالیسی کے سخت ناقد تھے، 84 سال کی عمر میں انتقال کر گئے ہیں۔

ان کے اہل خانہ نے آج ان کے سوشل میڈیا اکاؤنٹس پر ایک مختصر بیان جاری کیا جس میں ایک روز قبل برطانوی دارالحکومت لندن میں ان کے انتقال کی تصدیق کی گئی۔

ان کی صحافت اور دستاویزی فلمیں دنیا بھر میں منائی جاتی تھیں، لیکن ان کے خاندان کے لیے وہ سب سے زیادہ حیرت انگیز اور پسندیدہ والد، دادا اور پارٹنر تھے۔

ان کے پسماندگان میں دیرینہ ساتھی صحافی یوون رابرٹس اور ان کے دو بچے سیم اور زوئی شامل ہیں۔

ہزاروں لوگوں نے ان کی موت پر سوگ منانے اور ان کے کام کو یاد کرنے کے لئے سوشل میڈیا کا سہارا لیا۔

سماجی رابطے کی ویب سائٹ ٹوئٹر پر ایک صارف نے لکھا کہ دنیا نے اپنے بہترین صحافیوں میں سے ایک اور انتہائی دیانت دار شخص کو کھو دیا ہے۔

ایک اور شخص نے لکھا کہ ایک عظیم صحافی ایک اچھا انسان اور طاقت کا ایک مینار گر گیا ہے۔