مودی کی انتہا پسند پالیسیوں سے منی پور میں فسادات کی نئی لہر نے جنم لے لیا ہے۔

منی پور میں بھارتی پولیس کی جانب سے مئی 2023 سے شروع کی گئی ظالمانہ کاروائیوں سے تنگ عوام کے صبر کا پیمانہ لبریز ہوگیا۔

بھارتی میڈیا کے مطابق عوام کے مشتعل ہجوم نے جوابی کارروائی کرتے ہوئے تھوبال پولیس ہیڈ کوارٹرز پر حملہ کردیا۔ باغی گروہ اور بھارتی سیکیورٹی فورسز کے درمیان جھڑپ میں 3 فوجی اہلکار شدید زخمی ہوگئے ہیں۔

طاقت کے نشے میں مست مودی سرکار کی ریزرو فورس کو مظاہرین کی جانب سے منہ کی کھانی پڑی جب کہ ماہرین نے منی پور پولیس ہیڈ کوارٹر پر حملے کو عوام کی جانب سے رد عمل قرار دیا ہے۔

بھارتی میڈیا کا کہنا ہے کہ تھوبال حملے کے بعد مودی کی ریزرو فورس کی نااہلی کھل کر سامنے آگئی ہے۔

یاد رہے کہ 3 مئی 2023 سے جاری منی پور فسادات میں اب تک 1 ہزار سے زائد افراد ہلاک اور 60 ہزار سے زائد لوگ بے گھر ہوگئے ہیں۔

رپورٹ کے مطابق منی پور فسادات کے دوران 300 سے زائد خواتین جنسی درندگی کا شکار ہوئیں۔

بھارتی اپوزیشن لیڈر کہتے ہیں کہ منی پور کی عوام بی جی پی سیاسی مقاصد میں پس رہی ہے، مودی حکومت منی پور میں تشدد کے واقعات کو ختم کرنے میں سنجیدہ نہیں۔