حماس اور اسرائیل کے درمیان قیدیوں کے دوطرفہ تبادلے کا معاہدہ رمضان المبارک سے پہلے ہونے کا امکان ہے۔
غیر ملکی خبر رساں ادارے کے مطابق حماس اور اسرائیل کے درمیان قیدیوں کے تبادلے کے معاہدے میں مصری اور قطری ثالثوں نے تصدیق کی ہے۔
حماس اور اسرائیل کے درمیان قیدیوں کے دوطرفہ تبادلے کا معاہدہ رمضان المبارک سے پہلے ہونے کا امکان ہے جب کہ دوطرفہ معاہدے پر دستخط 10 مارچ سے پہلے ہو جائیں گے۔
دوسری جانب اسرائیل کی غزہ میں بدترین بمباری کا سلسلہ جاری ہے، غزہ میں نصیرات، بوریج اور خان یونس کیمپوں میں اسرائیلی فضائی حملوں اور گولہ باری سے 30 فلسطینی شہید ہوگئے۔
شمالی غزہ کے کمال عدوان اسپتال میں قحط کے باعث 4 بچے جاں بحق جب کہ 7 بچوں کی حالت تشویشناک ہوگئی۔
خیال رہے کہ غزہ میں شہید فلسطینیوں کی تعداد 30 ہزار تک پہنچ گئی ہے جب کہ 70 ہزار سے زائد افراد زخمی ہیں۔
اقوام متحدہ کا کہنا ہے کہ غزہ میں تقریبا 6 لاکھ فلسطینی امداد کے منتظر ہیں جب کہ قحط ان سے محض ایک قدم دور ہے۔
اقوام متحدہ نے کہا ہے کہ اسرائیل فلسطینیوں تک امداد پہنچانے میں رکاوٹ بن رہا ہے جس کی وجہ سے غزہ میں پونے چھ لاکھ افراد قحط کا شکار ہونے سے بس ایک قدم دور ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News