مودی کے فسطائی راج میں جمہوریت کا قتل، انتہا پسند بھارتیہ جنتا پارٹی عام انتخابات سے قبل سیاسی مخالفین کے خلاف اوچھے ہتھکنڈوں پراتر آئی۔
نئی دہلی کے وزیراعلی اروند کیجریوال کو کالا دھن سفید کرنے کے معاملے میں گرفتار کر لیا گیا۔ بھارتی انفورسمنٹ ڈائریکٹوریٹ کے مطابق وزیراعلی نئی دہلی کو شراب پالیسی سے منسلک کالا دھن سفید کرنے کے معاملے میں پکڑا گیا۔
اروند کیجریوال بھارتی تاریخ میں پہلے وزیراعلی ہیں جنہیں کریمنل کیس میں گرفتار کیا گیا۔ اروند کیجریوال کی گرفتاری پرعام آدمی پارٹی نے ملک گیر ہڑتال کی کال دے دی۔
بھارتی سپریم کورٹ وزیراعلی نئی دہلی کی گرفتاری کے معاملے پر عام آدمی پارٹی کی درخواست کی آج سماعت کرے گی۔ عام آدمی پارٹی نے اپوزیشن اتحاد انڈیا بلاک کو بھی ہڑتال اور احتجاج میں شرکت کی دعوت دے دی۔
مودی سرکار کے ایما پرعام آدمی پارٹی کے کئی اہم رہنماؤں کو پہلے ہی جیل میں ڈالا جا چکا ہے۔ اروند کیجریوال کی سرکاری رہائش گاہ کی تلاش، وزیراعلی دہلی اوران کے اہلخانہ کے فون بھی ضبط کرلیے گئے۔
پولیس نے نئی دہلی میں بی جے پی ہیڈکوارٹرز کے باہر سیکیورٹی سخت کر دی اورکانگریس پارٹی اور دیگر اپوزیشن جماعتوں کے اروند کیجریوال کی حمایت کے اعلانات ہونے لگے۔
کانگریس کا کہنا ہے کہ بی جے پی طاقت کی ہوس میں مبتلا ہو کر بوکھلا چکی ہے۔ کانگریس رہنما راہل گاندھی آج اروند کیجریوال کے اہلخانہ سے ملاقات کریں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News