آسٹریلیا کے شہر سڈنی کے ایک شاپنگ مال میں چاقو بردار حملہ آور نے 6 افراد کو چاقو کے وار سے ہلاک کر دیا ہے۔
تفصیلات کے مطابق یہ واقعہ ویسٹ فیلڈ بونڈی جنکشن مال کمپلیکس میں پیش آیا جہاں سہ پہر خریداروں سے بھرا ہوا تھا، حملہ آور کو بعد میں پولیس نے گولی مار کر ہلاک کر دیا۔
نیو ساؤتھ ویلز پولیس کے ترجمان نے عالمی خبر رساں ادارے کو بتایا کہ ایک آخری شخص اسپتال میں دم توڑ گیا۔ حملہ آور کو ایک سینئر پولیس اہلکار نے موقع پر ہی گولی مار کر ہلاک کر دیا۔
پولیس کے مطابق فوری طور پر اس کا مقصد واضح نہیں ہوسکا لیکن اس مرحلے پر دہشت گردی سے انکار نہیں کیا جا سکتا۔
نیو ساؤتھ ویلز ایمبولینس کے ترجمان نے عالمی خبر رساں ادارے کو بتایا کہ سڈنی کے مختلف اسپتالوں میں 8 مریضوں کو لے جایا گیا جن میں ایک چھوٹا بچہ بھی شامل ہے جسے شہر کے چلڈرن اسپتال لے جایا گیا۔
مقامی میڈیا کی جانب سے نشر کی جانے والی سیکیورٹی کیمرے کی فوٹیج میں دیکھا جا سکتا ہے کہ آسٹریلوی رگبی لیگ کی جرسی پہنے ایک شخص بڑے چاقو کے ساتھ شاپنگ سینٹر کے ارد گرد دوڑ رہا ہے اور زخمی افراد فرش پر بے جان پڑے ہوئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News