وزیراعظم نے حالیہ بارشوں میں جانی و مالی نقصانات پرہدایات جاری کرتے ہوئے کہا کہ این ڈی ایم اے صوبوں کے ساتھ مل کر جامع لائحہ عمل طے کرے۔ 

وزیراعظم میاں شہبازشریف نے کہا کہ ہے مافیازکا خاتمہ وقت کی اہم ضرورت ہے، مہنگے تیل سے بجلی کے پیداواری منصوبوں کو بدلنے کی ضرورت ہے، بجلی کے منصوبوں کوقابل تجدید توانائی پرمنتقل کرنا وقت کی ضرورت ہے۔

وزیراعظم نے کہا کہ بجلی چوری کی روک تھام میں پنجاب کی کارکردگی حوصلہ افزاہے، دوسرے صوبے بھی بجلی چوری کی روک تھام کےلیےاقدام اٹھائیں، بجلی چوری روکنے سے متعلق حکومت پُرعزم ہے۔

انھوں نے کہا کہ توانائی شعبےکا باقاعدہ جائزہ لیا جا رہا ہے، بجلی کی ترسیل کی استعدادکارمیں اضافہ ناگزیرہے، بجلی کی ترسیل کے نظام میں بہتری کے بغیر فوائدحاصل کرنا ناممکن ہے، نظام میں بہتری سےتوانائی کی ضروریات پوری ہوسکتی ہیں۔

وزیراعظم شہبازشریف نے کہا کہ ملک بھر میں بارشیں ہورہی ہیں، ڈیموں میں پانی جمع ہونا خوش آئندہے، حالیہ بارشوں سے جانوں کا ضیاع ہوا ہے۔

وزیر اعظم شہبازشریف نے بارشوں سے مزید جانی نقصانات سے بچنے کی ہدایت کرتے ہوئے کہا کہ این ڈی ایم اے صوبوں کے ساتھ مل کر جامع لائحہ عمل طے کرے، بارشوں کے حوالے سے نقصانات پراین ڈی ایم اے کوہدایات دی ہیں۔