وزیراعلیٰ پنجاب کے ترجمان شہباز گل نے سماجی رابطے کی ویب سائٹ ٹوئٹر پر اپنے بیان میں کہا ہے کہ واشنگٹن میں پاکستانیوں کے جذبے نے سیاسی مخالفین کی نیندیں حرام کر دیں ، وزیراعظم نے پھر واضح کر دیا کچھ ہو جائے این آر او نہیں ملے گا۔

وزیراعظم نے ایک بار پھر واضح کر دیا کہ چاہے کچھ بھی ہو جائے این آر او نہیں ملے گا.
ایک طرف کپتان نے واشنگٹن میں تاریخ ساز جلسہ کیا دوسری طرف "جلسیاں جلسیاں" کھیلنے والے دربدر پھر رہے ہیں.
کرپٹ سیاستدانوں کو پیغام مل گیا, لوٹی ہوئی دولت ہر صورت واپس کرنا ہو گی. pic.twitter.com/4l9zzXR8LX

— Dr. Shahbaz GiLL (@SHABAZGIL) July 22, 2019

وزیراعلیٰ پنجاب کے ترجمان کا کہنا ہے کہ ایک طرف کپتان نے واشنگٹن میں تاریخ ساز جلسہ کیا ، دوسری طرف “جلسیاں جلسیاں” کھیلنےوالے دربدر ہیں، کرپٹ سیاستدانوں کو پیغام مل گیا، لوٹی ہوئی دولت ہر صورت واپس کرنا ہو گی۔

 شہباز گل نے کہا کہ کیپٹل ون ارینا کا اسٹیڈیم لاہور اور کراچی کا منظر پیش کر رہا تھا، عمران خان سے محبت کے اظہار کی مثال نہیں ملتی۔

شہبازگل کا مزیدکہنا ہے کہ اوورسیز پاکستانیوں نے ثابت کر دیا ہے کہ ہم زندہ قوم ہیں، عمران خان پہلے وزیراعظم ہیں جنہوں نے پاکستان ہاوس میں قیام کیا ، نئے پاکستان کا وزیراعظم اپنے ٹبرکو امریکانہیں لے کر گیا، عمران خان نےکمرشل پروازپر سفر کرکے مثال قائم کی۔