وزیراعظم عمران خان اور امریکہ کے صدر ڈونلڈ ٹرمپ آج وائٹ ہائوس واشنگٹن میں مختلف شعبوں میں پاک امریکہ تعلقات مضبوط بنانے کیلئے مذاکرات کریں گے۔

شیڈول کے مطابق وزیر اعظم عمران خان وائٹ ہاؤس پہنچیں گے، جہاں امریکی صدر ڈونلڈ ٹرمپ ان کا استقبال کریں گے اور انہیں وائٹ ہاؤس کا دورہ کرائیں گے، اس موقع پر تحائف کے تبادلے کے بعد دونوں رہنماؤں کے درمیان ملاقات ہو گی

دو نو ں رہنمائو ں کے درمیان تجارت اور سرمایہ کاری میں دوطرفہ تعاون میں اضافے اور جنوبی ایشیا میں عموماً اور افغانستان میں خصوصا قیام امن کیلئے ملکر کام کرنے سے متعلق امور پر بھی تبادلہ خیال ہوگا۔

تفصیلات کے مطا بق وزیراعظم امریکا کے دورے کے دوران امریکی وزیرخارجہ مائیک پومپیواورایوان نمائندگان کی اسپیکرنینسی پلوسی سے بھی ملاقاتیں کریں گے،امریکی ٹی وی کوانٹرویودیں گے اورامریکی انسٹی ٹیوٹ آف پیس سے  بھی خطاب کریں گے۔

 ذرائع کے مطابق ملاقات میں دونوں رہنماؤں کے درمیان پاکستان اور امریکہ کے درمیان تعاون بڑھانے، قیام امن کو یقینی بنانے اور معاشی استحکام پیدا کرنے جیسے امور پر تبادلہ خیال کیا جائے گا۔