پاکستان مسلم لیگ ن کی نائب صدر اور سابق وزیراعظم نواز شریف کی صاحبزدای مریم نواز نےسماجی رابطے کی ویب سائٹ پر وزیراعظم عمران خان کے دورۂ امریکہ پر انہیں شدید تنقید کا نشانہ بنایاہے جبکہ اس کے جواب میں وزیر اعظم کی معاون خصوصی ڈاکٹر فردوس عاشق اعوان نے بھی جوابی وار کردیاہے۔

ڈاکٹر فردوس عاشق اعوان نے ایک ٹویٹ میں کہا ہے کہ مریم صفدر کو تاریخی حقائق فراموش نہیں کرنے چاہیں۔

انہوں نے کہا کہ بری فوج کے سربراہان ماضی میں بھی وزرائے اعظم کے ہمراہ غیر ملکی دورے کرتے رہے ہیں۔
انہوں نے کہا کہ اشفاق پرویز کیانی نے سید یوسف رضا گیلانی کے ہمراہ امریکہ جبکہ راحیل شریف نے نواز شریف کے ہمراہ سعودی عرب کا دورہ کیا اور بری فوج کے موجودہ سربراہ جنرل قمر جاوید باجوہ نے شاہدخاقان عباسی کے ہمراہ بھی سعودی عرب کا دورہ کیا تھا۔