سابق نگراں وزیر قانون اور سپریم کورٹ بار کے سابق صدر بیرسٹر سید علی ظفر نے تحریک انصاف میں شمولیت کا اعلان کردیا۔

تفصیلات کے مطابق بیرسٹر علی ظفر نے آج  تحریک انصاف کے رہنما علیم خان کے ہمراہ وزیر اعظم ہاؤس میں وزیر اعظم عمران خان  سے ملاقات کی اور پاکستان تحریک انصاف میں شمولیت کا اعلان کیا۔

وزیر اعظم نےان کے فیصلے کا خیر مقدم کرتے ہوئے انہیں پارٹی میں شمولیت پر خوش آمدید کہا ۔

یاد رہے کہ مسلم لیگ ن کی حکومت مکمل ہونے کے بعد 90 روز کے لیے آئین کے مطابق نگراں حکومت قائم کی گئی تھی جس میں سینئر قانون دان بیرسٹر علی ظفر نے بطور وفاقی وزیر ذمہ داری سرانجام دی تھیں۔