سیالکوٹ میں معاون خصوصی برائے اطلاعات ڈاکٹر فردوس عاشق اعوان نے پریس کانفرنس کرتے ہوئے ن لیگ کی ہفتے کی شام ہونے والی پریس کانفرنس پرتفصیلی بات کی۔
ڈاکٹر فردوس عاشق اعوان نے کہا ہے کہ کرمنل مافیا اداروں کو آئین و قانون کے تابع نہیں دیکھناچاہتی، احتساب عدالت کے جج ارشد ملک نے وڈیو کو جھوٹا اور جعلی قرار دے دیا ہے، حکومت نے آڈیو اور وڈیو کا فرانزک ٹیسٹ کرانے کا فیصلہ کیا ہے۔

مریم نواز پر تنقید کرتے ہوئے فردوس عاشق اعوان نے کہا کہ جعلسازی، دو نمبری سمیت ہر آلہ کار اس خاتون کے بکسے میں دستیاب ہے، خود کو نائب صدر لکھتی ہیں،کل چیئرمین کے ساتھ بیٹھ کر پریس کانفرنس کی اور پریس کانفرنس میں ایک بیانیہ سامنے رکھا۔
فردوس عاشق اعوان نے واضح کیا کہ یہ حکومت اپنی ذمہ داریاں دوسروں کے گلے میں نہیں ڈالتی، اداروں پر بے بنیاد الزامات لگائے جارہے ہیں، مشکوک کردار کو قوم کے سامنے بے نقاب کرنا ذمہ داری ہے۔