معاون خصوصی برائےاطلاعات ڈاکٹرفردوس عاشق اعوان کاکہناہے کہ وزیراعظم عمران خان کی قیادت میں کل پوری قوم ظالم کےخلاف اور مظلوموں کےحق میں گھروں سےباہر نکلےگی۔

سماجی رابطےکی ویب سائٹ ٹویٹرپربیان جاری کرتے ہوئےانہوں نےکہاکہ کشمیریوں سےیکجہتی کا آغازپاکستان اورکشمیرکےقومی ترانوں سےہوگا۔ عمران خان مظلوم کشمیریوں سے یکجہتی کرتے ہوئے قومی جذبات پوری دنیا تک پہنچائیں گے۔

فردوس عاشق اعوان نے مزید کہاکہ انتہا پسندمودی دنیا کے امن کو تباہ کر رہا ہے۔ مودی نفرت، ظلم اور جبر کی آلودگی پھیلا کر انسانی زندگی اور بقائے باہمی کے ماحول کو برباد کرنا چاہتا ہے۔ کشمیرمیں ظلم وبربریت انسانی تاریخ میں ایک بدقسمت باب کا اضافہ ہے۔

واضح رہے کہ مقبوضہ کشمیرمیں لاک ڈاؤن کو25واں روزگزرگیا۔ گلی گلی، کوچےکوچےمیں بھارت کےقاتل فوجی تعینات ہیں۔ گھرگھرکامحاصرہ جاری ہے۔ کھانےپینےکی اشیاختم ہوگئی ۔ بچےفاقوں اوربیماردوائیں نہ ملنےسےدم توڑنےلگے۔

بھارتی غنڈےغمزدہ خاندانوں کوشہداکی تدفین سےبھی روک رہےہیں۔ مسلسل لاک ڈاؤن سےمعاشی قتل عام بھی جاری ہے۔