سعودی ولی عہد محمد بن سلمان نے وزیراعظم عمران خان سے ٹیلی فونک رابطہ کیا ہے۔

تفصیلات کے مطا بق سعودی ولی عہد محمد بن سلمان نے وزیراعظم عمران خان سے رابطہ کرکے کشمیر کےمعاملے پر تبادلہ خیال کیا جبکہ وزیراعظم نےکشمیر کی تازہ ترین صورتحال سے محمد بن سلمان کوآگاہ کیا ہے۔

وزیراعظم عمران خان نے کشمیر کی تازہ ترین صورتحال سےولی عہد کومکمل طو ر پرآگاہ کیا جبکہ دونوں رہنماؤں کے درمیان خطے کی مجموعی صورت حال کا بھی جائزہ لیا گیا۔

وا ضح رہے کہ رواں ماہ 7 اگست کو بھی وزیراعظم عمران خان نے سعودی ولی عہدمحمدبن سلمان سے ٹیلیفونک رابطہ کیا تھا اور کشمیر کی صورتحال پر گفتگو کی تھی ، وزیراعظم نے سعودی ولی عہد کو  مقبوضہ کشمیر میں حالیہ بھارتی اقدام سے پیدا ہونے والی صورتحال اور بھارتی ظلم وبربریت سے آگاہ کیا تھا۔

اس کے علا وہ گزشتہ شب وزیراعظم عمران خان اور امریکی صدر ٹرمپ کے درمیان بھی ٹیلی فونک رابطہ ہواہے،جس میں مقبوضہ کشمیر کی موجودہ صورتحال پر بات چیت کی گئی ہے۔

دو سری جا نب دیکھا جا ئے تو مقبوضہ کشمیرمیں بھارت کی ریاستی دہشت گردی جاری وساری ہے، کر فیو سولہ دنو ں سے مسلسل لگا ہواہے جبکہ معمول کی زندگی بد ستور مفلوج اور کمیونیکیشن کا بلیک آؤٹ ہے۔