پاکستان تحریک انصاف (پی ٹی آئی) حکومت کاپہلامالی سال مکمل ہوتےہی وزارت خزانہ کی جانب سےگزشتہ مالی سال کی معاشی کارکردگی رپورٹ جاری کردی گئی۔

وزارت خزانہ کی سالانہ رپورٹ کےمطابق گزشتہ سال بجٹ خسارہ ملکی تاریخ کی بلند ترین سطح تک پہنچ کر2300ارب روپےکےبرعکس3ہزار445 ارب روپے رہا۔

رپورٹ کےمطابق ملکی ذرائع سے 3028 ارب روپےجبکہ غیرملکی ذرائع سے 417 ارب روپے کا قرضہ لیاگیا۔

وزارت خزانہ کےمطابق گزشتہ سال سود کی ادائیگی پر2091 ارب روپے، دفاع پر 1146 ارب روپے خرچ ہوئے۔

رپورٹ کےمطابق مجموعی اخراجات 8 ہزار 345 ارب روپے تک پہنچ گئےجب کہ غیرترقیاتی اخراجات جات کی مدمیں 7 ہزار 104 ارب روپےخرچ ہوئے۔

گزشتہ سال ترقیاتی اخراجات اور نیٹ لینڈنگ کی مد میں 1219 ارب روپے تک ریکارڈ کئے گئےجبکہ حکومت کی مجموعی آمدنی 4 ہزار 900 ارب روپے تک محودو رہی۔

وزارت خزانہ کےمطابق ٹیکس آمدنی 4473 ارب روپے اور نان ٹیکس آمدنی427 ارب روپے رہی۔