کشمیریوں کے ساتھ اظہار یکجہتی کے لیے وزیراعظم عمران خان 14 اگست کا دن مظفر آباد آزاد کشمیر میں گزاریں گے۔

تفصیلات کے مطا بق وزیراعظم عمران خان نے یوم آزادی کا دن کشمیریوں کیساتھ گزارنے کا فیصلہ کرلیا ہے ، اس دوران عمران خان کو آزاد کشمیر میں گارڈ آف آنر دیا جائے گا جبکہ وہ قانون ساز اسمبلی آزاد کشمیر کے اجلاس سے خطاب کریں گے۔ 

وزیراعظم کو آزاد کشمیرمیں گارڈ آف آنردیا جائے گا جبکہ وہ اسپیکر چیمبرمیں حریت کانفرنس اور دیگر سے ملاقاتیں کریں گے۔

وزیراعظم نے یوم آزادی کشمیریوں کیساتھ منانے کا فیصلہ کیا تھا ، وفاقی وزرا بھی ان کے ہمراہ ہوں گے، اس دوران وزیراعظم قانون ساز اسمبلی آزاد کشمیر کے اجلاس سے خطاب کریں گے، قانون سازاسمبلی آزاد کشمیر میں پاکستان و آزاد کشمیر کے ترانے بجائے جائیں گے۔

واضح رہے کہ گزشتہ روز وزیراعظم نے مقبوضہ کشمیر کی صورتحال پر ٹویٹ کرتے ہوئے کہا تھا کہ مقبوضہ کشمیر میں کرفیو، کریک ڈاؤن اور کشمیریوں کا قتل عام آر ایس ایس کے نظریات کے مطابق ہورہا ہے البتہ اب یہ سب کچھ دنیا کے سامنے بے نقاب ہوگیا۔